Argentina

Argentina har ein lang kyst mot Atlanterhavet i aust. Landet er det nest største landet i Sør-Amerika etter Brasil.

Store delar av landet er flate sletter med gode forhold for jordbruk. Det er også fjellområde, skog, isbrear, elvar og store fossefall i landet. Aconcagua er landets og Sør-Amerikas høgaste fjell, 6962 meter over havet.

Nasjonaldyr er ein liten fugl som heiter haciendaomnfugl. Det lever også jaguar, hjort, kjempemaurslukar, papegøyar og aper i landet.

Rundt 65 prosent av straumen i landet kjem frå fossile energikjelder. 25 prosent kjem frå vasskraftverk.

Argentina har eit variert klima med varmt vêr i nord, medan det er kaldare i sør.

Dei aller fleste argentinarar bur i byar. Berre 8 prosent bur på landsbygda. I Noreg bur 16 prosent på landsbygda.

Mange europearar innvandra til Argentina på slutten av 1800-talet. Offisielt språk er spansk. Over 80 prosent av menneska er katolikker.

Alle barn må gå på skule frå dei er 5 til 14 år. Skulen er gratis, og dei fleste elevane held fram på videregåande etter grunnskulen.

Fotball er den mest populære sporten blant barn og ungdom. Argentina har vunne VM i fotball for menn tre gonger. Fotballspillerne Lionel Messi og Diego Maradona er frå Argentina.

Argentina er ein republikk med president som statsoverhovud. Landet er eit demokrati, og det er val kvart fjerde år.

Argentina har i fleire periodar vore i konflikt med Storbritannia om øygruppa Falklandsøyane.

Mange menneske i landet jobbar med utdanning og helse. Landet tener penger på mellom anna å selje mat til andre land.

Argentina er medlem av FN, Verdshandelsorganisasjonen og Verdsbanken.

Spania koloniserte Argentina på 1500-talet. Då døydde mange urfolk av tvangsarbeid og sjukdommar spanjolane hadde med seg frå Europa.

Argentina blei sjølvstendig i 1816. På 1800-talet trong landet arbeidarar i landbruket. Dette førte til stor innvandring frå Europa.

Dei militære har tatt makta i Argentina fleire gonger. Siste gong dei militære satt med makta var fra 1976 til 1983. Mange menneske blei drepne eller forsvann under denne perioden.

Sidan 1970-talet har det vore fleire økonomiske kriser i landet. Det vil si periodar med fattigdom og stor arbeidsløyse. I 2007 blei Cristina Fernández de Kirchner den første valde kvinnelege presidenten i Argentina.

• Sør-Amerika
• spansk
• republikk
• kolonialisme