Amnesty International

Ordet amnesty (amnesti på norsk) tyder at nokon som er straffa, får straffa sletta. Ordet amnesti blir ofte brukt om sletting av straff for samvitsfangar.

Samvitsfangar vil seia menneske som er i fengsel på grunn av for eksempel:

• meiningane sine
• kva for ein folkegruppe dei høyrer til
• kjønn
• hudfarge
• språk

Samvitsfangar har ikkje brukt vald eller bedt andre om å bruke vald.

Amnesty har fire hovudoppgåver:

1. Å arbeide for at alle samvitsfange blir sloppe laus.
2. Å sikre at politiske fangar får ein rask handsaming av saka si i en rettferdig domstol.
3. Å avskaffe dødsstraff, tortur og anna grufull behandling av fangar.
4. Å stanse det at menneske blir avretta eller berre «forsvinn» utan at dei har fått ein dom av ein domstol.

Mykje av aktiviteten i Amnesty skjer i lokale grupper i ulike land. Ein måte å aksjonere på, er at eit stort antal medlemmar sender kvart sitt postkort eller kvar sin e-post. Dei sender posten til myndigheitene som held ein bestemt samvitsfange fengsla.

Amnesty International gjev råd til FN og ein rekke andre internasjonale organisasjonar.

Amnesty Norge starta i 1964 og har om lag 100 000 medlemmar. Amnesty Norge blir rekna som ein viktig samtalepartnar for dei norske myndigheitene i spørsmål om menneskerettar i Noreg og verda.

Organisasjonar som Amnesty Norge kan få støtte av staten til arbeidet dei gjer. Amnesty Norge ynskjer likevel ikkje nokon støtte, fordi organisasjonen vil vere heit uavhengig. Det same gjeld Amnesty International i andre land.

• menneskerettigheter
• organisasjon
• FN