Stjerneteikn er figurar i stjernene, som er viktige i spådomskunsten astrologi. Dei som trur på astrologi, trur at planetar og stjerner påverkar menneska og korleis liva deira blir.
Det er tolv stjerneteikn. Datoen ein er fødd, bestemmer kva for stjerneteikn ein har.
Symbol, tegning og eit lite kart over stjernebildet for stjerneteikna krepsen, løva, jomfrua, steinbukken, vassmannen og fiskane.
I dag veit ein at Jorda bevegar seg rundt Sola, og dessutan rundt seg sjølv. Før visste ein ikkje dette. Då trudde ein at Jorda var i ro, og alt anna bevega seg. Difor trudde ein at Sola bevega seg i ei bane over himmelen i løpet av året. Astrologane delte denne banen inn i tolv delar som dei kalte dyrekrinsen.
Kvar av desse delane inneheld eit stjernebilete eller stjerneteikn. Dei fleste stjerneteikna fekk namn etter dyr. Til kvart stjerneteikn høyrer fleire ting. Astrologene trur at planetane styrer framtida, humøret og personlegdomen til folk.
Dette er stjerneteikna:
Horoskop er spådomar om korleis det vil gå med for personar fødd i kvart enkelt stjerneteikn framover. Det finst horoskop på appar, i aviser og på nett. Det blir også selt smykker og andre ting med bilde og symbol for stjerneteikna.
Dei som driv med astrologi blir kalla astrologar. Dei ser på korleis planetar og stjerner bevegar seg, og tolkar det det dei ser. Sola, månen og dei andre planetane er dei viktigaste å følgje i astrologi. Om lag 150 stjerner er også med i tolkingane.
Ein som forskar på planeter og stjerner, heiter astronom. Sjølv om orda er like, har ikkje astronomi og astrologi noko med kvarandre å gjere.
Moderne vitskap finn ingen bevis for noko i astrologien. Likevel er det fleire millionar menneske som trur på det.
Astrologar i det som no er Irak laga oppdelinga av banen til Sola, i oldtida. I antikken utvikla greske astrologar oppdelinga og ideane vidare. I Romerriket hadde keisarane astrologar som jobba for dei.
I Kina har dei lang tradisjon for astrologi, det finst spor frå 2600 år fvt. I kinesisk astrologi er stjerneteikna annleis.
Etter at kristendommen kom, blei det færre som trudde på astrologi. Likevel kunne ein framleis lese om astrologi mange stader. I Noreg har det blitt fleire som trur på det sidan 1970-talet.
