P-stav er ein type prevensjon som inneheld hormon. Sjølve staven er laga av plast og omtrent like stor som ein fyrstikk. Staven blir sett inn under huda på overarmen med ei sprøyte. Det er berre kvinner og jenter som kan bruke denne typen prevensjon. P-stav er den sikraste formen for prevensjon, men han vernar ikkje mot kjønnssjukdommar.
P-staven inneheld hormon som gradvis slepp ut i blodet. Hormona stoppar eggløysing, og då kan ein ikkje bli gravid.
For å sette inn eller ta ut ein p-stav, må ein gå til lege, helsesjukepleiar eller jordmor. Ein stav kan sitte i armen i tre år.