Abraham er ein bibelsk person. Forteljingane om Abraham står i Første Mosebok i Det gamle testamentet og i Toraen i Tanakh. Dei står også i Koranen. Abraham er viktig i både jødedommen, kristendommen og islam.
I både jødisk, kristen og muslimsk tradisjon var Abraham den første som trudde at det berre fanst éin gud.
Abraham er den eldste av stamfedrane i Bibelen. Ein stamfar er ein av dei første i ei slekt, og den som leier slekta.
Før var det vanleg å tru at Abraham var ein verkeleg person som levde for omtrent fire tusen år sidan. I dag er det få som trur det, men forteljinga om han blir rekna som ei heilag historie.
