Triatlon er ein idrett som kombinerer symjing, sykling og løping. Konkurransane går føre seg utandørs. Utøvarane blir ofte kalla for triatleter. Ein konkurrerer i ulike distansar. Alle utøvarane startar samtidig og den som kjem først til mål, vinn konkurransen.
Ein konkurranse i triatlon blir gjennomført utan pause mellom dei ulike øvingane. Utøvarane sym først i anten innsjø eller hav. Deretter syklar dei, før dei avsluttar med å springe.
I symjing bruker utøvarane ofte ei våtdrakt når det er kaldt i vatnet. I ei våtdrakt held ein seg varm sjølv om ein blir våt. Våtdrakta blir teken av etter symjedelen. Under den har utøvarane ofte ein kombinert løpe- og sykkeldrakt.
Til sykkeldelen bruker utøvarane ein spesiell temposykkel. Når dei syklar, har dei hjelm og sykkelsko.
Når dei løper, har dei løpesko.
Ein tradisjonell triatlon-konkurranse består av 3,8 kilometer symjing, 180 kilometer sykling og et maraton i løping til slutt. Maraton er litt over 42 kilometer langt. Ein triatlon med desse distansane blir òg kalla Ironman.
Dei siste åra har det blitt vanleg å ha konkurransar med kortare distansar. I OL er består et triatlon av 1500 meter symjing, 40 km sykling og 10 km løping.
