Nyreligiøsitet er eit ord som blir brukt om forskjellige religionar som har oppstått dei siste 150 åra. Det er mange ulike trussamfunn og retningar som blir rekna som nyreligiøse.
Medlemmer av Hare Krishna synger på gaten i Bratislavia i Slovakia. Av Shchipkova Elena/Shutterstock.
Avgrensa gjenbruk
nyreligiøsitet
Tilhengjarar av Hare Krishna under ein festival i Storbritannia i 2022.
Fotografi av samling med Hare Krishna-tilhengere.
Av
Geoffrey Swaine/Shutterstock/NTB.
Lisens:
Avgrensa gjenbruk
Blot er viktig i moderne åsatru. Blot er ofring til gudane. Ein ofrar kjøtt korn og mjølk som eit symbol. Staden ein er på, blir reinsa med eld, vatn, lyd og song.
Fellestrekk
Eit fellestrekk er at nyreligiøsitet hentar inspirasjon frå eldre religionar. Dei blandar ofte det dei mener er dei beste sidene ved ulike religionar, frå ulike deler av verda.
Mange trur på ei slags guddommeleg kraft i kvart enkelt menneske. Eit fellestrekk er at mennesker kan finne fram til ei sanning. Det kan ein gjere gjennom å utvikle seg sjølv og søke innover i seg sjølv.
Mange trur også at det er ein energi eller ei kraft som fyller universet og menneska. Ved å søke inn i seg sjølv, kan ein komme i kontakt med denne energien.
Inspirasjon
- kinesisk tradisjon
- buddhisme
- hinduisme
- sjamanisme
- norrøn mytologi
- kristendom
- islam
Ulike retningar
Scientologikyrkja oppstod på 1950-talet i USA. Fotografiet er frå Los Angeles i USA.
Nokre av dei mest kjende nyreligiøse religionane er:
- Hare Krishna: Ein stor, organisert religion, inspirert av hinduismen. Ritualer, mantra og musikk er viktig i Hare Krishna. Dei har strenge levereglar knytt til å ikkje spise kjøt, reglar for seksualitet og ritualer i kvardagen. Hare Krishna har tempel både i Oslo og i Bergen.
- Scientologi: Ei religiøs rørsle som trur at mennesket er eit andeleg vesen som lever mange liv. Kroppen kan samanliknast med ei maskin som fraktar anda eller mennesket omkring ei viss tid før ho døyr. Etter det lever anda vidare i ein ny kropp.
- Antroposofi: Rudolf Steiner grunnla antroposofien på 1900-talet. Han grunnla også Steiner-skulen. Antroposofien lærer at mennesket er eit andeleg vesen som blir født på ny i ulike kroppar på Jorda. Nokon reknar antroposofi som ei nyreligiøs retning, medan andre reknar det som ein filosofi.
- Moderne åsatru: Eit livssyn som hentar inspirasjon frå norrøn mytologi. Trua er inspirert av naturreligionar. Forsøker å tilpasse trua på dei norrøne gudane til den moderne kvardagen.
Vanskelege problemstillingar
Nokre retningar blir rekna som nyreligiøse av andre, men ikkje av seg sjølv. Dette gjeld for eksempel Jehovas vitne. Dei knyt seg sjølv tett til «gammal» religion og meiner deira tolkning er den som eigentleg er den sanne. Men folk utanfor dette trussamfunnet reknar dei som nyreligiøse tolkningar inspirert av kristendom.
