Å ete sunn og næringsrik mat gir god helse.
Å ha god helse betyr at ein har det bra i kroppen og i kjenslene. Med god helse kan ein leve eit langt og innhaldsrikt liv.
Dei delane av helsa som handlar om kroppen, heiter fysisk helse. Dei delane av helsa som handlar om kjenslene, heiter psykisk helse.
Fordi alle menneske er ulike, er helsa ulik frå person til person. Sjølv om ein er sjuk, kan ein oppleve at helsa er god. Kor god helse ein har, seier blant anna noko om kor lett ein har for å halde seg frisk og fri for skadar. Nokre blir fødde med sjukdommar eller funksjonsnedsettingar som pregar helsa deira resten av livet.
Det kan endre seg i løpet av livet kor god helse ein har. Måten ein lever livet sitt på kan påverke helsa både positivt og negativt. Ein kan for eksempel få betre helse ved å spise sunt og trene. Og ein kan få dårlegare helse om ein for eksempel startar å røyke, eller om ein et mykje usunn mat over lang tid.
Når ein snakkar om helse, snakkar ein også ofte om helseplagar. Helseplagar er sjukdommar eller tilstandar som gjer at kroppen ikkje fungerer slik som ein ønsker. Dette kan gi dårleg helse. Om ein behandlar sjukdom, kan helsa bli betre igjen.
Å kjenne at ein høyrer heime saman med andre folk er viktig for den psykiske helsa. Einsemd er ikkje god for den psykiske helsa, og det kan også gje problem med kroppen på sikt.
Helsa blir påverka av fleire ting:
Å vere fysisk aktiv er også viktig for å halde helsa god.
Helseplagar er sjukdommar eller plager som gjer at kroppen eller kjenslene ikkje fungerer som ein ønsker.
Ein kan vere fødd med helseplagar, eller ein kan få det i løpet av livet. Ein kronisk sjukdom er ein sjukdom som varer lenge. Allergi er eit eksempel på ein kronisk sjukdom ein kan vere fødd med.
To personar kan ha same type helseplage, men bli veldig ulikt påverka. For ein tømrar vil for eksempel ein skade i skuldra gjere det vanskeleg å jobbe. Ein lærar vil kanskje ikkje bli like påverka av den same skada.
