Faktaboks
- Også kjend som
-
krøkebær
![Foto](https://media.snl.no/media/286760/standard_compressed_krekling_62825.jpg)
Krekling vokser på lave busker som vokser langs bakken. De kalles krypbusker.
Beskriving
Krekling er ein liten busk med små, smale og tjukke blad. Blada er grøne heile året. Busken blir mellom 5 og 30 centimeter høg.
Krekling blomstrar tidleg om våren, gjerne før snøen har forsvunne. Blomane er rødlege og veldig små. I august til september er fruktene modne. Dei er runde blå-svarte steinfrukter. Dei smaker bittert. Fruktene kan plukkast til langt ut på vinteren. Dei smaker litt søtare etter at det har vore frost.
Utbreiing
Krekling veks i heile Noreg. Den er mest vanleg på myr, høgt i fjellet, på mark med lyng og i skog med gran og furu. Krekling finst også i Europa, Asia og i Nord-Amerika.