Sirkel er ein heilt rund figur. Alle punkta på sirkelen har same avstand til eitt bestemt punkt. Dette punktet blir kalla sentrumet til sirkelen.
Den faste avstanden blir kalla radiusen til sirkelen. Lengda til kurva som går rundt sirkelen blir kalla omkrinsen.
Ein diameter er ei linje mellom to punkt på sirkelen som går gjennom midten. Diameteren er dobbelt så lang som radiusen. Alle diametrar i ein sirkel er like lange.
Ein korde er eit rett linjestykke mellom to punkt på sirkelen. Ein del av omkrinsen mellom to punkt blir kalla ein sirkelboge.
For å rekne ut omkrinsen og arealet av ein sirkel, må ein bruke talet pi.