Ein dal er ei lang fordjuping, ein sprekk eller eit djupt søkk i landskapet.
Dalar består av botn og sider. Dalane kan ha ulik lengd og form. Dalar som strekkjer seg over eit langt område og har fleire sidedalar, blir kalla eit dalføre.
Ein dal er ei lang fordjuping, ein sprekk eller eit djupt søkk i landskapet.
Dalar består av botn og sider. Dalane kan ha ulik lengd og form. Dalar som strekkjer seg over eit langt område og har fleire sidedalar, blir kalla eit dalføre.
Dalar blir forma på to måtar. Anten ved rørsler og sprekkkar i jordskorpa, eller ved at elvar og isbrear har grave seg ned i jordoverflata. Forma på dalane er ulike avhengig av om dei er forma av ein isbre eller av ei elv.
Ein U-dal har form som bokstaven U, det vil seie at ho har bratte dalsider med ein brei og ganske flat botn. I løpet av Jordas historie har det vore mange periodar med istid og kulde. Då har store område på Jorda vore dekt av tjukk is. U-forma er skapt av isbrear som har bevega seg over eit område i lang tid.
Under ein isbre frys sand, grus og større steinar fast. Desse skrapar i underlaget som eit sandpapir. Dette er ein form for erosjon. Dersom mykje is bevegar seg nedover same område, vil det etter lang tid dannast ein U-dal. Kor raskt og djupt erosjonen har skjedd, er avhengig av typen bergart som finst der. U-dalane er ofte breie og flate med ei slak elv som renn sakte gjennom dalen.
Dalbotnen og elveslettane er ofte næringsrike og ein bra stad for å dyrke jorda. Det er på dalbotnen og oppover dei slake dalsidene i U-dalane dei fleste menneska har busett seg. Gudbrandsdalen er eit godt døme på ein U-dal.
Ein V-dal har form som bokstaven V. Dalsidene skrånar bratt ned mot elva som renn i dalbotnen. V-dalane har blitt forma av erosjon frå elva. Store og små steinar som har rasa ned i vatnet har blitt førte med straumen i elva. Slik har elva grave seg djupare og djupare nedover i dalbotnen.