Logoped er ein person som hjelper andre med å få betre tale og språk og til å kommunisere betre.
Logopeden lærer eleven sin korleis ein snakkar eller lagar bestemte lydar. Så må eleven øve.
Oppgåver
Det finst mange ulike grunnar til å gå til logoped. Ein logoped kan til dømes hjelpe med:
- stamming
- å seie bestemde bokstavar, for eksempel r
- svak stemme etter sjukdom
- problem med å ete eller svelgje
- problem med å snakke etter å ha hatt til dømes hjerneslag eller om ein har Parkinsons sjukdom
Logopedar brukar øvingar og spel for å trene opp den dei hjelper. Dei jobbar anten med folk åleine eller i grupper.
For å få time hos ein logoped må ein først gå til ein lege eller PPT. Det er ikkje mogleg å bestille time eller møte opp direkte hos ein logoped.
Arbeidsplassar
Logopedar arbeider ulike stadar, som til dømes:
- skular
- barnehagar
- sjukehus
- PPT
- stadar der dei trenar opp folk etter sjukdom og skade
Utdanning
For å bli logoped må ein studere i fem år ved høgskule eller universitet.
Logoped er ikkje ein beskytta tittel. Dei treng ikkje å bli godkjende av staten slik som til dømes ein lege. Derfor er ikkje logopedar helsepersonell.
