Heks er ein person som driv med trolldom eller magi. I magi og trolldom gjer ein hemmelege, spesielle ting for å få noko til å skje. Det finst ikkje bevis for at trolldom eller magi går an.
Ordet heks er tysk, og kan ha noko å gjere med «skog» eller «hekk». Det blei først brukt om ein person som var skulda for å skada åkeren til naboen.
Lenge brukte ein ikkje ordet «heks» i Noreg. Ein sa heller trollkvinne, og om ein mann sa ein trollmann. Frå 1800-talet kunne ein lese norske folkeeventyr i bøker. Der er det både hekser og trollkvinner. Då blei «heks» eit meir vanleg ord å bruke.
