Brus er ein søt drikk med bobler i, som finst i mange ulike smakar. Den heiter brus fordi det bruser.
![Foto av Solo Super i butikk](https://media.snl.no/media/277020/standard_compressed_solo.jpg)
Solo er ein norsk brus, som lenge var den mest solgte brusen i Noreg. No er brus frå merkene Coca-Cola og Pepsi-Cola meir solgt enn Solo.
Å lage brus
Brus med sukker blir laga ved å blande vatn, sukker og smak. Smaken kjem ofte frå saft. Som regel er det veldig mykje vatn og sukker, og ganske lite saft. Til slutt tilset ein ein gass som heiter karbondioksid. Når gassen blir blanda med væska, skjer det ein kjemisk reaksjon, og det blir danna kolsyre. Kolsyra gjer at det blir danna tusenvis av bitte små bobler.
I dag blir det selt meir sukkerfri brus enn brus med sukker. Den søte smaken kjem då frå kjemiske stoff.
Helseråd
Brus er skadeleg for tennene på grunn av syra som er i all brus. Det er heller ikkje sunt å få i seg mykje sukker. Viss ein drikk mykje brus med sukker, kan ein få hol i tennene.