selektiv mutisme

Årsaka til at nokon får selektiv mutisme er ikkje kjend.

Ulike former for angst heng ofte saman med selektiv mutisme. Angst er ei følelse av uro inne i kroppen. Når ein har angst, kjenner ein seg utrygg og redd.

Selektiv mutisme kan òg henge saman med utfordringar med tale og språk. Tale er dei lydane ein lagar med munnen når ein snakkar. Nokre personar strever med å lage riktige lydar. Utfordringar med språk kan vere at ein ikkje forstår ord og uttrykk.

Nokre med selektiv mutisme har autisme i tillegg. Autisme er noko ein er fødd med, men det er er ikkje ei årsak til selektiv musitme.

Fordi selektiv mutisme heng saman med angst, er det viktig at ein ikkje pressar nokon med selektiv mutisme til å snakke. Å prøve å tvinge nokon til å prate kan gjere at situasjonen blir verre.

Noko som kan hjelpe, er å fokusere på å finne aktivitetar som personen likar. Når ein driv med fine aktivitetar og kjenner seg trygg, er det lettare å bli trygg nok til å prate.

• angst
• autisme
• psykiske sjukdommar
• psykisk helse