Pilates er ei form for trening som vanlegvis blir gjord inne i ei sal. Ein gjer ulike øvingar sitjande, liggjande eller ståande på kne. Pilates kan mellom anna bidra til å gjere kroppen sterkare og mjukare.
Det er særleg magen, ryggen og bekkenet ein styrkar med pilates. Desse delene blir til saman kalla kjernemuskulaturen i kroppen.
Ein gjer øvingane i pilates langsamt og kontrollert. Fleire av øvingane kan minne om dei ein gjer i yoga.