Skuddår er eit år der det blir lagt til ein ekstra dag i kalenderen. Den ekstra dagen blir lagt til 29. februar kvart fjerde år.
Jorda bruker eitt år på å fullføre ein runde rundt Sola. I kalenderen er året delt inn i 12 månader.
Kvar månad er delt inn i heile dagar, og det er 365 dagar i eit år. Men Jorda bruker ikkje nøyaktig heile dagar på runden sin rundt Sola. Jorda bruker 365,2422 dagar på å fullføre ein runde. Derfor må ein leggje til ein ekstra dag kvart fjerde år for å gjere opp for skilnaden på 0,2422 dagar per år.
